Oktoberfäscht i dä Brauerei – 31.10.2015

Dä Oktober isch bald vorbi – letschti Chance no an äs Oktoberfäscht z’gah!

Am Samschtig, 31.10. findet bi eus i dä Brauerei in Thalwil s’jährliche Oktoberfäscht statt. Wänn also kei Ziit gha häsch zum nach Münchä z’fahrä oder eifach kei Luscht uf Halloween häsch, dänn mäld dich sofort a! Wie immer sind d’Plätz begränzt.

Ab 17h gits für 35.- Itritt Gueti Luunä à la discretion und däzue no Wiiswürschtli mit Brätzel. Im Oktoberfäscht Outfit chunsch für än Foifliiber günschtiger inä!

Zämäfassig:

  • Was: Oktoberfäscht i dä Brauerei Thalwil
  • Wänn: 31.10.2015 ab 17h
  • Wo: Brauerei Fläsche Thalwil, Rudishaldenstrasse 4 in 8800 Thalwil
  • Itritt: 35.-, resp. 30 mit Oktoberfäscht Outfit
  • Amäldig: entweder uf Facebook oder via Mail a: contact@flaesche.ch

Proscht!

 

 

Leave a Reply

Your email address will not be published. Required fields are marked *

*